ഒരിക്കലും വിശ്വസിക്കരുതെന്ന് ആവര്‍ത്തിച്ചപ്പോഴാണ് നീ എന്നെ വിശ്വസിക്കാന്‍ തുടങ്ങിയത്. വെറുക്കൂ എന്നു പറഞ്ഞപ്പോള്‍ സ്നേഹിക്കാന്‍ തുടങ്ങി.മറക്കാന്‍ പറഞ്ഞപ്പോഴായിരുന്നു നീ എന്നെ വീണ്ടും വീണ്ടും ഓര്‍ത്തെടുത്തത്.. നഷ്ടപ്രണയത്തെ കുറിച്ച് കണ്ണു നിറച്ചപ്പോള്‍ ഒടുവില്‍ നീ എന്നെ പ്രണയിക്കാനും തുടങ്ങി.അനുസരണക്കേടുകള്‍ മാത്രം കാണിക്കുന്ന പെണ്‍കുട്ടീ,നിന്നെ പരിചയപ്പെട്ടതു മുതലായിരിക്കണം എന്റെ കണ്ണും മനസ്സും എന്തിന് കവിതകള്‍ പോലും എന്നോട് അനുസരണക്കേട് കാണിക്കാന്‍ തുടങ്ങിയത്.